منتدى أبناء الطيبة

أهلا بك فى منتداك

انضم إلى المنتدى ، فالأمر سريع وسهل

منتدى أبناء الطيبة

أهلا بك فى منتداك

منتدى أبناء الطيبة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى أبناء الطيبة

هنا كل جديد سارع بالتسجيل فى افضل منتدى فى العالم وهتسفاد كتيير (جوائز -مسابقات-أخبار-العاب-برامج)

المواضيع الأخيرة

» مصر وأكبر ميزانية لدعم العلوم والتكنولوجيا
يوميات شباب عاطل I_icon_minitimeالخميس 09 أغسطس 2012, 11:02 am من طرف engineer

» المشير أحمد اسماعيل علي
يوميات شباب عاطل I_icon_minitimeالخميس 09 فبراير 2012, 8:19 am من طرف engineer

» كلية الحاسبات و المعلومات
يوميات شباب عاطل I_icon_minitimeالخميس 09 فبراير 2012, 8:11 am من طرف engineer

» الدانقل ....اخر تطورات برامج واجهزة فك التشفير
يوميات شباب عاطل I_icon_minitimeالسبت 14 مايو 2011, 12:26 pm من طرف engineer

» بقيت تسعة أيام على نهاية العالم.. توبوا إلى الله!!
يوميات شباب عاطل I_icon_minitimeالجمعة 13 مايو 2011, 1:53 am من طرف engineer

» هنا تجد الوظيفة الى عايزها بالمرتب الى تطلبة
يوميات شباب عاطل I_icon_minitimeالثلاثاء 12 أبريل 2011, 1:25 pm من طرف sara medo

» الشمس تشرق من الغرب فى كوكب المريخ ,,, افيقووووا ياعباد الله اقتربت الساعه
يوميات شباب عاطل I_icon_minitimeالسبت 02 أبريل 2011, 1:00 pm من طرف engineer

» اكتشاف مكان يأجوج ومأجوج بالدليل القاطع والقرائن الواضحة
يوميات شباب عاطل I_icon_minitimeالسبت 02 أبريل 2011, 12:54 pm من طرف engineer

» اكبر تجميعه لاضفات الفوتوشوب The most important 120.000 Items Designers
يوميات شباب عاطل I_icon_minitimeالجمعة 01 أبريل 2011, 5:00 pm من طرف engineer

مكتبة الصور


يوميات شباب عاطل Empty

التبادل الاعلاني

مارس 2024

الأحدالإثنينالثلاثاءالأربعاءالخميسالجمعةالسبت
     12
3456789
10111213141516
17181920212223
24252627282930
31      

اليومية اليومية

التبادل الاعلاني

التبادل الاعلاني


    يوميات شباب عاطل

    engineer
    engineer
    Admin
    Admin


    الجنس : ذكر
    عدد المساهمات : 408
    الفاعلية : 90373
    أخذ شكر : -1
    تاريخ التسجيل : 28/11/2009
    العمر : 33
    الموقع : http://forum.mans-fci.net

    بطاقة الشخصية
    العظماء: 0

    يوميات شباب عاطل Empty يوميات شباب عاطل

    مُساهمة من طرف engineer الثلاثاء 10 أغسطس 2010, 2:42 am

    بسم الله الرحمن الرحيم الحلقه الاولي
    كلنا بنسمع عن مشكلة البطالة فى مصر ومفيش بيت تقريبا فى مصر الا وعنده شاب عاطل المهم انا فكرت ازاى يكون يوم العاطل ومن هنا لاقيت شخصية ممكن نتكلم عنها شاب زى الفل معاه بكالويوس تجارة بتقدير مقبول واسمه محروس ونشوف ازاى اخينا ده عايش يومه .


    قوم بقى يا محروس المغرب اذن انت هتفضل نايم لحد امتى (ده كلام خالتك سعدية ام محروس)
    يووووووووووه هو الواحد ميعرفشى ينام شوية فى البيت ده. تعبان يا ناس نايم وش الفجر (طبعا ده محروس بيه)
    وبعدين بعد شد وجذب بين محروس وامه خالة سعدية يقوم المحروس من العين محروس عشان ياخد دش وياكل لقمة ويلحق يروح يقعد على القهوة اللى فى اول الشارع.
    مش عارف البنات هيفضلوا يضيقوا فى البناطيل بتاعتهم دى لحد امتى (ده عباس صديق محروس على القهوه لما شاف مديحة بنت الاستاذ راضى مدرس التاريخ)
    سيبهم ياعم خليهم يلبسوا المحذق والملذق خلينا نتفرج يعنى لا هيبقى جواز ولا حتى فرجة (ده بقى سعيد جار محروس وصديقه الانتيم)
    احلوا احلوا شوفوا بقى مين اللى هيجوزكم ( رد محروس)
    المهم والرجالة محروس وسعيد وعباس قاعدين على القهوة يتفرجوا على اللى رايحة واللى جاية سمعوا الاستاذ عبد الباسط الموظف فى الحكومة بيتكلم مع الاستاذ محمدى الموظف فى الحكومة بردو
    يا اخى التليفزيون والجرايد ملهاش سيرة الا عن 30% اللى قال عليهم الريس فى عيد العمال (ده الاستاذ محمدى)
    سيب ياعم الشعب يهيص شوية ربنا يخلى الريس للناس الغلابة (رد عليه الاستاذ عبد الباسط)
    بس تفتكر الحكومة هيجيب الفلوس دى منين انا سمعت يا محمدى ياخويا ان العلاوه دى هتتكلف مليارات والدولة بتاعتنا يادوب على قد حالها.
    رد محمدى: اكيد هيخصخصوا ويبيعوا شوية حاجات.
    عبد الباسط: هو لسه فيه حاجة لسه متباعتشى؟
    محمدى: طيب هيجيبوا الفلوس دى منين
    وبعدين سكتوا الاتنين وبصوا لبعض شوية وكان تفكيرهم فى حاجة واحدة وهى
    اكيد هيغلوا الكهربا والتليفون والنظافة وينزلوا الضرايب العقارية على الشقق.
    وبعدين قالوا فى صوت واحد يعنى اللى هناخدوا باليمين هندفعوا بالشمال وسلملى على العلاوه و30%
    بعدها بص سعيد لمحروس وقاله: ياترى هيجى اليوم وناخد احنا كمان علاوة
    رد عليه محروس: مش لما نعرف يعنى ايه علاوه الاول !!!!!!!!!!!!!!!!
    الحلقة الثانية

    بعد ما قام محروس من على القهوة راح يدور على مكان يقضى فيه باقى السهرة فكر يروح لرامى جاره
    ( ورامى ده يبقى جار محروس ومخلص كلية حاسبات ومعلومات بس زيه زى معظم شباب مصر عاطل ومش معاه واسطة عشان يشتغل ففكر انه يشترى كام جهاز كمبيوتر ويفتح محل نت كافيه او سابير زى ما كل الناس بتسميه)
    قعد محروس مع رامى فى المحل يسهر معاه شوية ويدردشوا سوا
    محروس: ايه اخبارك يا رامى ؟ واخبار المحل ايه؟
    رامى: الحمد لله اهى ماشية . ياريت انت كمان يا محروس تفكر فى مشروع تعمله عشان زى مانت عارف الشغل دلوقتى بقى كله بالواسطة واحنا غلابة والغلابة اللى زيينا معاهم ربنا.
    محروس: وحتى لو فكرت فى مشروع هجيب فلوس منين؟ ولو استلفت فلوس المشروع هلاقى حاجة اسمها التراخيص والضرايب والتامينات والكهرباء والنظافه وبلاوى كتير اصل الحكومة بتاعتنا مش شاطره الا على الغلابة انما الناس اللى فوق مش بتقدر عليهم نظام مشى حالك حالك يمشى.
    رامى: ازاى ياعم انت مش بتسمع ان الحكومة بتساعد الشباب انهم يعملوا مشاريع عشان تقلل نسبة البطالة فى البلد
    محروس: هو انت بتصدق الكلام ده؟
    رامى: ايوه يابنى هى دى الحقيقة صدقنى
    ويادوب رامى لسه مخلص كلامه الا وعربية بوكس وقفت قدام المحل ونزل منها ضابط وكام مخبر
    الظابط: مين صاحب المحل؟
    رامى: انا ياباشا
    الضابط: معاك ترخيص ياله؟
    رامى: انا لسه ياباشا فاتح من اسبوع ولسه بحضر ورق التراخيص
    الظابط: انت هتستهبل ياروح امك
    رامى: ياباشا انا مهندس ومعايا بكالويوس حاسبات ومعلومات
    الظابط: مهندس هناك عند امك مش عليا
    الظابط قال للمخبرين هاتوه راحوا رموا رامى فى البوكس وحرزوا الاجهزة وشمعوا المحل بالشمع الاحمر.
    بعدها عرف محروس ان دى اسمها مباحث المصنفات ورامى هيبات فى الحجز لحد لما يتعرض تانى يوم على النيابة عشان يتعمله قضية مصنفات.
    مشى محروس باليل فى الشارع وهو مروح على بيته يغنى:
    لما تلاقى المصنفات داخلة عليك
    والظابط والمخبرين بيلطشوا فيك
    يبقى انت اكيد اكيد فى مصر
    يبقى انت اكيد اكيد فى مصر
    اكييييييييييييييييييييييييييييييييد فى مصر !!!!!!!!!!!!!!!!!!!!!!!!!!!!!!!!!!!!!!</
    البقيه تأتي
    الحلقه الثالثه
    النهاردة وزى كل يوم محروس هو و شلة اصحابه العاطلين قاعدين على القهوة كالعادة وده بعد انضمام رامى للشلة بصفته بقى عاطل هو كمان.

    لاحظ سعيد ان القهوة النهاردة زحمة
    سأل سعيد: ليه القهوة زحمة يعنى النهاردة؟
    محروس: اكيد فيه دفعة جديدة اتخرجت من الجامعة وانضمت لطابور العاطلين فى مصر.
    سعيد: دفعة جديدة ايه بس يا محروس احنا لسه فى شهر مايو يعنى لسه الناس هتمتحن.
    رامى: يمكن مباحث المصنفات شمعت كام محل والشباب رجع عاطل تانى زى حالاتى.
    محروس: هو يعنى البلد كلها فاتحة سابيرات نت.
    سعيد: اكيد فيه سر واحنا لازم نعرفه.
    وفجاة وهما قاعدين يبفكروا فى اللغز الكبير ده دخل عليهم صاحبهم العاطل بردو عباس بالخبر الرهيب
    عباس: عرفتوا اللى حصل?
    محروس: مفيش سلامو عليكو؟ يعنى ايه اللى حصل ومخليك جاى تجرى اوى كده؟
    عباس: انت نايم على نفسك مش شايف القهوة زحمة ازاى؟
    سعيد: شايفيين ياعم المنظار وكنا لسه بنسأل بعض دلوقتى قبل ماتنزل سيادتك علينا زى البراشوت كده.
    عباس: انا هقولك بقى ليه.
    رامى: ليه ياعباس؟
    عباس: اصل العيال اللى كانت شغالة فى شرم الشيخ كلهم اترحلوا امبارح بالليل.
    محروس: اترحلوا؟ ليه؟
    عباس: بيقولوا الريس هناك وبتاع امريكا ده اللى اسمه بوش والدنيا مقلوبة هناك.
    رامى: ودول بيعملوا هناك ايه ياخويا؟
    عباس: الريس عامل مؤتمر وعازم فيه ناس مهمة اوى فى العالم.
    محروس: مؤتمر؟ مؤتمر ايه يعنى؟
    عباس: انا سمعت امبارح فى النشرة ان اسمه مؤتمر دابوس.
    سعيد: دبوس؟ دبوس حشيش يعنى ولا ايه؟
    وضحكوا كلهم اوى
    محروس: يمكن ريس المؤتمرعازم بوش عشان يحشش هنا فى شرم يمكن يتسطل ويرجع لنا المعونة تانى.
    رامى: وايه ذنب الناس اللى بتشتغل هناك انهم يتبهدلوا ويترحلوا كده هما شاطرين يقولوا انهم بيحلوا ازمة البطالة فى مصر وبيوفروا فرص عمل.
    عباس: يابنى ماهو المؤتمر ده سياسة بردو.
    محروس: وشرم الشيخ هيا بقى الغرزه اللى بيحششوا فيها؟
    سعيد: والدنيا كلها قايمة على دبوس حشيش؟
    محروس: لا ياعم دى اكيد تربة بس عشان الناس متاخدشى بالها بيقولوا دا دبوس.
    رامى: ولما الريس عايز يعزم الناس تحشش هنا مايبنى له قلعة فى حتة بعيدة مفيهاش ناس عايزة تاكل عيش.
    سعيد: متزعلشى نفسك اوى كده ياعم رامى ماهى شرم الشيخ مفيهاش قلعة واحدة دا النسوان كلها قالعين.
    وكالعادة ضحك الجميع بس مش من قلبهم ده من غلبهم

      الوقت/التاريخ الآن هو الجمعة 29 مارس 2024, 9:14 am