منتدى أبناء الطيبة

أهلا بك فى منتداك

انضم إلى المنتدى ، فالأمر سريع وسهل

منتدى أبناء الطيبة

أهلا بك فى منتداك

منتدى أبناء الطيبة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى أبناء الطيبة

هنا كل جديد سارع بالتسجيل فى افضل منتدى فى العالم وهتسفاد كتيير (جوائز -مسابقات-أخبار-العاب-برامج)

المواضيع الأخيرة

» مصر وأكبر ميزانية لدعم العلوم والتكنولوجيا
اليكي كل ما يخص شراء و لبس الذهب I_icon_minitimeالخميس 09 أغسطس 2012, 11:02 am من طرف engineer

» المشير أحمد اسماعيل علي
اليكي كل ما يخص شراء و لبس الذهب I_icon_minitimeالخميس 09 فبراير 2012, 8:19 am من طرف engineer

» كلية الحاسبات و المعلومات
اليكي كل ما يخص شراء و لبس الذهب I_icon_minitimeالخميس 09 فبراير 2012, 8:11 am من طرف engineer

» الدانقل ....اخر تطورات برامج واجهزة فك التشفير
اليكي كل ما يخص شراء و لبس الذهب I_icon_minitimeالسبت 14 مايو 2011, 12:26 pm من طرف engineer

» بقيت تسعة أيام على نهاية العالم.. توبوا إلى الله!!
اليكي كل ما يخص شراء و لبس الذهب I_icon_minitimeالجمعة 13 مايو 2011, 1:53 am من طرف engineer

» هنا تجد الوظيفة الى عايزها بالمرتب الى تطلبة
اليكي كل ما يخص شراء و لبس الذهب I_icon_minitimeالثلاثاء 12 أبريل 2011, 1:25 pm من طرف sara medo

» الشمس تشرق من الغرب فى كوكب المريخ ,,, افيقووووا ياعباد الله اقتربت الساعه
اليكي كل ما يخص شراء و لبس الذهب I_icon_minitimeالسبت 02 أبريل 2011, 1:00 pm من طرف engineer

» اكتشاف مكان يأجوج ومأجوج بالدليل القاطع والقرائن الواضحة
اليكي كل ما يخص شراء و لبس الذهب I_icon_minitimeالسبت 02 أبريل 2011, 12:54 pm من طرف engineer

» اكبر تجميعه لاضفات الفوتوشوب The most important 120.000 Items Designers
اليكي كل ما يخص شراء و لبس الذهب I_icon_minitimeالجمعة 01 أبريل 2011, 5:00 pm من طرف engineer

مكتبة الصور


اليكي كل ما يخص شراء و لبس الذهب Empty

التبادل الاعلاني

مارس 2024

الأحدالإثنينالثلاثاءالأربعاءالخميسالجمعةالسبت
     12
3456789
10111213141516
17181920212223
24252627282930
31      

اليومية اليومية

التبادل الاعلاني

التبادل الاعلاني


    اليكي كل ما يخص شراء و لبس الذهب

    Roka Casper
    Roka Casper
    عضو مميز
    عضو مميز


    الجنس : انثى
    عدد المساهمات : 151
    الفاعلية : 60234
    أخذ شكر : 0
    تاريخ التسجيل : 05/04/2009

    اليكي كل ما يخص شراء و لبس الذهب Empty اليكي كل ما يخص شراء و لبس الذهب

    مُساهمة من طرف Roka Casper الإثنين 26 أكتوبر 2009, 1:55 pm

    إزاي تشتري ذهب مضمون؟

    علشان تقدري إنك تشتري الذهب من غير ما حد يضحك عليكِ، يبقى لازم تحطي قدامك شوية النقط البسيطة دي..



    احسبي ميزانيتك قبل ما تروحي -

    يا ريت قبل ما تروحي عند الصايغ تشوفي إنتِ معاكِ كام بالضبط؟! وتشوفي تمن الجرام وصل لكام وتحطي تمن مبدئي للمصنعية في دماغك؛

    وده علشان تقدري تحددي إنتِ هتشتري إيه بالضبط... بدل ما تروحي المحل وتقعدي تختاري أكتر من شكل، وفي النهاية تلاقي إن ولا حاجة من اللي أنت اخترتيها مناسبة لإمكانياتك... وبكده يبقى إنتِ بتضيعي وقتك وتركيزك في حاجات مش مناسبة.



    خلي عندك جواهرجي مضمون -

    يا ريت يكون عندك جواهرجي مضمون بتثقي فيه، وده علشان تضمني إنك تشتري حاجة مضمونة، خصوصاً إن في الفترة الأخيرة انتشر أوي الذهب الصيني اللي بيصعب التمييز بينه وبين الذهب العادي.. كمان في بعض الجواهرجية بتغش في ميزان الذهب أو في المصنعية.. ولو ما تعرفيش حد معين يبقى اسألي أي حد من أصدقائك أو أقاربك عن حد مضمون يكونوا بيتعاملوا معاه، وما تنسيش تفحصي قطعة الذهب اللي أنت هتشتريها قبل ما تخرجي من المحل؛ علشان تتأكدي إنها سليمة مية في المية وخالية من أي خدوش أو عيوب.



    تأكدي من وجود الختم -

    تأكدي من وجود الختم على الحاجة اللي أنتِ هتشتريها، والختم ده عبارة عن المربع الصغير المنقوش على قطع الذهب، وده هو الحاجة اللي بتميز الذهب الأصلي والمضمون من الذهب المغشوش، واوعي حد يضحك عليكِ، ويقول لك إن القطعة دي تحديداً بدون ختم؛ لأن ما فيش حاجة في الذهب نهائي من غير ختم.



    ما تنسيش تاخدي فاتورة -

    اوعي تنسي تاخدي الفاتورة وإنتِ خارجة من المحل، وتتأكدي من إن الفاتورة دي مكتوب فيها عيار الذهب اللي اشتريتيه وسعر الجرام واسمك وختم المحل.



    إزاي تختاري ذهب يليق عليكِ؟

    شوفي يا قمر علشان تقدري تختاري قطعة ذهب تليق عليكِ، يبقى لازم الأول تشوفي طبيعة جسمك، وعلى الأساس ده تبدئي إنك تختاري قطعة الذهب اللي إنتِ عايزاها فمثلا لو...كنت رفيّعة وقصيّرة.. يبقى راعي في اختيارك إنك تختاري الأشكال البسيطة، وابعدي نهائياً عن الأشكال الكبيرة أو اللي فيها نقوش كتيرة، لأنها مش مناسبة ليكِ، أما لو كنتِ مليانة وطويلة.. يبقى اختاري المشغولات الذهبية الكبيرة الحجم.



    إزاي تنظفي الذهب؟

    علشان ترجعي للذهب اللمعان والبريق ويكون زي ما تكوني لسه شرياه، يبقى انقعي أي قطعة ذهب عندك في مزيج من فنجانين من الميه المغلية المضاف إليها "النشادر" -حتلاقيها عند العطار- وبعد كده ادعكيه بفرشاة أسنان ناعمة علشان يلمع وبعد كده اشطفيه بالميه الدافية، أو إنك تدعيكه بـ"لبابة الخبز" -قلب العيش الفينو أو البلدي- وبعد كده تدعكيه بفرشاة أسنان ناعمة وبعد كده تشطفيه بالميه الدافية.



    وبلاش تنظفيه بمسحوق من مساحيق التنظيف الموجودة عندك في المنزل؛ لأنها مضرة جدا للذهب؛ وده لأنها بتكوّن طبقة عاملة زي الغشاوة على الذهب بتقلل من بريق ولمعان الذهب، ده غير إن المساحيق دي بيكون فيها مواد كيمائية بتتفاعل مع الذهب، وممكن إنها تقلل من عدد الجرامات اللي فيه، وبالتالي لما تيجي تبيعيه تلاقي إن عدد الجرامات اللي فيه قلّت.



    إزاي تحتفظي بالذهب؟

    أحسن طريقة ممكن إنك تحتفظي بالذهب، هي إنك تشيلي كل قطعة من الذهب اللي عندك في علبة قطيفة خاصة وبلاش تحطيهم كلهم في علبة واحدة؛ وده علشان ما فيش واحدة تتجرح من التانية، وبالتالي تلاقي إن كل مجوهراتك بقت زي ما تكون قديمة. ولو ما عندكيش علب كتير يبقى ممكن إنك تشتري أكياس قطيفة وتحطي فيها الذهب بتاعك.



    وخدي بالك من إنك لازم تبعدي البارفانات نهائياً عن الذهب الأبيض؛ لأنها بتسبب فقدانه للمعانه.



    !! الذهب بأشكال وألوان متعددة

    الذهب دلوقتي ليه أشكال كثيرة فهتلاقي الأساور والكوليهات اللي داخل فيها المطاط، كمان هتلاقي ذهب بألوان متعددة؛ زي الأحمر أو الذهب الملون بأكتر من لون أو الذهب المرشوش عليه بلاتين، وخدي بالك إن شكل زي ده بيحتاج دايما إنك توديه عند الجواهرجي؛ علشان يعيد لك مادة البلاتين دي من جديد، خصوصاً إنها ساعات بتضيع من كثرة الاستخدام، كمان دلوقتي فيه الذهب عيار 22 وده هتلاقيه في المحلات الكبيرة فقط.



    وعلى فكرة دلوقتي بقى فيه أكتر من ماركة أو مصدر، زي الذهب الهندي أو الإماراتي أو البحريني أو الكويتي أو السعودي أو التركي أو الإيطالي والاختيار في النهاية بيرجع ليكِ أنت ولذوقك الشخصي.



    وفي النهاية أحب أقول لك نصيحة تحطيها حلقة في ودنك؛ وهي إنك لو عايزة تشتري ذهب للاستثمار يبقى عليكِ وعلى الجنيهات الذهبية؛ علشان ما فيهاش مصنعية وبكده تقدري إنك تحتفظي بيها لغاية ما وزن الجرام يزيد، وبعد كده تبيعيها وبكده تكسبي الفرق وبيكون في تمن الجرام.

      الوقت/التاريخ الآن هو الجمعة 29 مارس 2024, 7:48 am